Search
  • editor creativekhopadi

अक्षय कुमारने मोडला नियम!

अभिनेता अक्षय कुमार आपल्या शिस्तप्रिय स्वभावासाठी बॉलिवूडमध्ये प्रसिद्द आहे. बॉलिवूडच्या झगमगाटात वावरताना त्याने काही नियम आखले असून त्याचं कडक पालन करत असतो. मात्र नुकतंच अक्षय कुमारने ‘बेल बॉटम’ चित्रपटासाठी गेल्या १८ वर्षांपासून आखून ठेवलेला एक नियम मोडला आहे. करोना संकटामुळे अडकलेल्या या चित्रपटाचं सध्या स्कॉटलंडमध्ये चित्रीकरण सुरु आहे.



स्कॉटलंडमध्ये पोहोचल्यानंतर १४ दिवस क्वारंटाइन राहावं लागल्याने निर्मात्यांच्या नुकसानाची कल्पना असल्याने अक्षय कुमारने मदतीसाठी धाव घेतली. यावेळी त्याने आपल्या १८ वर्षांचा नियम मोडला. गेल्या १८ वर्षांपासून अक्षय कुमारने दिवसातून आठ तास काम करण्याचा नियम केला आहे. पण ‘बेल बॉटम’ चित्रपटाच्या निर्मात्यांचं नुकसान होऊ नये यासाठी अक्षय कुमारने डबल शिफ्टमध्ये काम करण्याचा निर्णय घेतला. चित्रपटाचं लवकरात लवकर शुटिंग संपवण्याचा अक्षय कुमारचा प्रयत्न आहे.



जॅकी भगनानी या चित्रपटाचा निर्माता आहे. रंजित तिवारी या चित्रपटाचं दिग्दर्शन करत आहे. या चित्रपटात अक्षयसोबत अभिनेत्री हुमा कुरेशी, वानी कपूर, लारा दत्ता या अभिनेत्री स्क्रीन शेअर करणार आहेत. हा चित्रपट २ एप्रिल २०२१ रोजी प्रेक्षकांच्या भेटीला येणार असल्याचं म्हटलं जात आहे.



दरम्यान, येत्या काळात अक्षयचे ‘सूर्यवंशी’ ‘लक्ष्मी बम’, ‘पृथ्वी राज’ ‘बच्चन पांडे’, ‘अतरंगी रे’ ‘धूम 4’ आणि ‘बेल बॉटम’ असे एकूण सात चित्रपट प्रेक्षकांच्या भेटीस येत आहेत. तसंच लवकरच तो ‘बाप रे बाप’ या चित्रपटातही झळकणार असल्याचं म्हटलं जात आहे.




व्यवसाय वाढवायचाय? मग डिजिटल मार्केटिंग केलंच पाहिजे. याबद्दल अधिक जाणून घेण्यासाठी या लिंकवर क्लिक करा:


https://www.creativekhopadi.com/services

27 views0 comments